PAST BLOGS

3/30/2005

Kung

"Bakit pa kasi ako napamahal sa'yo.
Di sana ako naghihirap ng ganito."




Tutugtog ang Kung ako na lang sana ni Bituin Escalante sa Background.


Kakalabas lang nilang lahat sa classroom. Nagpaiwan ako para makaranas ng katahimikan.
Maingay sa labas.
Mainit sa labas.
Buti na lang nasa third floor ang classroom namin. Kahit papaano'y may hanging nagpaparamdam sa'yo sa kabila ng matinding init ng katanghalian.

Ginayuma yata ng hangin ang lahat ng mga tao sa labas.
Lahat iritable.
Pinaghalong amoy ng pawis at hinog na bayabas ang amoy na nagingibabaw.
Halos lahat nakasimangot. Nagpapaypay. Nagpupunas ng pawis na tumutulo mula sa kanilang noo.
Nagpupunas ng mga butil nag pawis na naghahabulan mula sa kani-kanilang mga noo pababa sa kanilang leeg.
Mga butil ng pawis na nag-uunahan sa finish-line na hindi naman tiyak.
May mga sumusuot sa mga singit ng katawan, sa kilikili, sa likod, sa mga kulubot ng katawan.
Di na nakakakiliti ang sobrang butil ng pawis na nag-uunha sa iyong katawan. Nakakainis na.

Buti na lang may hangin sa loobng classroom kahit papaano.
Nag-charge ako ng celphone kong mukhang remote sa electric plug sa gilid ng silid.
Umupo lang ako sa sulok ng silid malapit sa bintana.
Kahit papaano, may hangin doong dadampi sa 'yong batok.

Hindi ko mawari kung bakit nagsisiksikan silang lahat sa labas.
Ayos din palang humiwalay sa mga tao paminsan-minsan.
Dumating ka.

Akala ko ikaw ang girlfriend ko.

Dumating ka pero 'di kita agad nakilala.
Nagpagupit ka kasi.
Ibang-iba na ang buhok mo.
Anong ginawa mo?
ANong nakain mo't nagpaputol ka nang ganyan?
Di mo naman idol si Amy Perez?
Alam kong mahl na mahal mo ang buhok mo at hindi ka nagpapagupit ng basta-basta na lang.

Tumayo ka lang ng matagal sa may pinto.
Tinitigan mo ako.
Pinilit mong ngumiti pero mabigat ang mga labi mo.
Lumapit kang dahan-dahan sa akin.
Napatulala ako sa 'yo.
May mga laway at ngiting namumuo sa gilid ng aking mga labi.
Hindi ka parin ngasasalita.
napangiti ako.

Tumayo ka sa harap ko.

Huminto ang marahang pagdampi ng hangin sa aking batok.
Nagsimula na ang karera ng mag butil ng pawis sa aking noo.
Pinigilan ko sila ng aking panyo.
Napigilan ko ang unang batch.
Mapilit ang mga butil. Masyado na silang madami.

Pinilit kitang biruin kahit na namamawis na ang taas na bahagi ng aking labi.
Anong nakain mo ha? Anong meron?

Ngingiti sana ako pero parang nanigas ang aking mga labi.
Hinila mo ang kaliwa kong braso.
Hinila mo 'ko sa gitna ng silid.
Tinitigan mo'ko ulit at mabilis pa sa talsik ng laway kapag bumabahing, sinampal mo ako.
Nasira ata ang relo ko.
Huminto ang paggalaw ng mga kamay nito.
Huminto pati nag-uunahang mga butil ng pawis sa aking katawan.
Nag-ugat na yata pati mga paa ko sa konkretong sahig.

Sinampal mo ako ulit.

Umayos ka nga.
Gumising ka!
Para akong lasing na nahimasmasan sa kanyang sampal.
Lahat bumalik sa normal.
Tuloy ang karera ng mga butil ng pawis.
Tuloy ang paggalaw ng kamay ng relo.
Nangininga ng aking mga tuhod.

Bubulalas sana ako ng mga salita pero ang tangi ko lang nasabi ay BAKIT?

Parang gumaan ang mga labi mo.
Mga labing handa nang maglitanya.
Huminga ako ng malalim.

BAKIT? puro ka BAKIT!
MAHAL kita. yun yon!

Parang nabingi ata ako.


Nakakainis ka.
Bakit ka ganyan.
Bakit mo pa kasi ako pina-ibig.

Ha?! Kelan ka pa natutong magsalita ng mga ganyang bagay?
Gusto ko pa sanang magsalita pero humirit ka ulit.

Bakit pa kasi ako napamahal sa'yo.
Di sana ako naghihirap ng ganito.

Lumuha ka.
Hinalikan mo 'ko sa pisngi.
Tumalikod ka.
Lumabas ka ang silid.
Iniwan mong nakabukas ang pinto.


Naiwan akong nakatayo sa gitna.

Beep!
Nag-text sa akin ang girlfriend ko.
Ipa-develop kop na daw ung picture namin.
Chineck ko ang aking remote na phone.
Patay!
Nawala lahat ng pictures.
Nawala din mga videos ko.
Pucha. Ano ba 'to!

Hinugot ko ang charger.

Napationgin ako sa pintuang iniwan mong nakabukas.
Nasulyapan pa kitang nagpupunas ng luha sa sulok malapit sa hagdanan.

Palabas na ako ng classroom.

Tuymugtog ng malakas ang Kung ako na lang sana ni Bituin Escalante.
Sumilip ako sa bintana.
May dumadaang karo ng patay.

"Kung ako na lang sana ang iyong minahal di ka na muling luluha pa...kung ako na lang sana."

2 comments:

barbikyu said...

aawwww...
kaiyak naman..

lalo na ung kanta...

ayos ka lng?

Anonymous said...

har har. kilala ko kung sino yun!!!

Related Posts Plugin for WordPress, Blogger...