langgam

sa sala ng isang kubo sa liblib na bayan ng gabaldon

!

masyado kang makasarili. hindi mo na inisip si itay.

?

para ‘to sa kapakanan ng mas nakararami.

!

tama nang nawala si inay. alam mong tatatlo na lang tayo dito.

?

hindi naman ako nagkulang sa inyo. sinasama ko kayo pero ayaw niyo ni itay.

!

sa tingin mo ba makakasama sa iyo ang tulalang si itay? magmula nang mawala si ina hind ina siya makausap ng matino.

?

hindi ba kayo umaasang makikita natin doon si inay?

!

nahihibang ka na ba? hangga’t matino pa ang pag-iisp ko, hinding-hindi mo magagwa ang mga kalokohan mo lalo na ang balak mong paghila kay itay sa bundok.

?

wala ka nang magagawa ate, nagkataong hibng din ang nanay natin eh.

!

sabi ni inay huwag daw nating ipapahamak ang ating mga sarili.

?

mas mapapangalagaan natin an gating mga sarili kapag sumunod tayo kay inay.

!

wala na siyang iniwang bakas. ano pang susundan mo?

?

sapat nang bakas ang mga iyak at sigaw ng mga pinaslang ng mga militar sa kabundukan.

!

walang lalabas sa bahay na ito!

?

nakalabas na si inay.

!

tama nang may isang lumisan.

?

nakipaglaban siya para sa atin, para sa bayan.

!

maari ka namnag makipaglaban nang hindi mo tatahakin ang landas ni ina. huwag mo kaming iwan.

?

lagi ko kayong kasama sa mga ipinaglalaban ko.

!

samahan mo na lang kami dito

?

alagaan mo si itay.

lalabas ng pinto dala ang bag