singaw

nakakakabag ang alimuom sa freedom park. ikaw na ang makalanghap ng hininga ng lupang nabilad sa nangungurot na araw matapos itong mapaliguan ng ulan. basa ka na nga ng ulan na pumasok sa klase, basa ka pa ng pawis paglabas. kung bakit ba kasi di maipaliwanag ang panahon sa elbi.
ikaw na ang mawalan ng panahong makaligo. meeting sa abs staff ng umaga, type ng letters at spiels bago mag-tanghali, magpapaalam sa mga estudyante sa klase, meeting sa cable operator manager sponsor, meeting sa mga traders ng fair, klase ng alas kwatro, meeting sa orgmates ng 530, meeting sa opisina para sa updates at pagplaplano sa fair, gagawa ng poster at teasers (na malalaman mo na lang, ire-reject pala ng staff ng network), tapos may magtatampo pa sa'yong girlfriend, tapos magdi-dinner kayo na parang di kayo magkakilala (pero magkasama kayo), tapos uuwi kayo ng sabay, tapos dadaan sa ministop para bumili ng cichirya habang pinag-uusapan niyo kung mag-aaral ba kayo o magpapahinga na lang muna, tapos mag-iinternet para burahin yung pinublish na poster sa isang site, tapos matatagalan ng kaunti kasi magba-blog pa, tapos mababawasan yung kaunting perang natitira para maka-survive hanggang biyernes, tapos magtatampo yung girlfirend, tapos manonood sandali ng tv, tapos matutulog, tapos.