sandaling sugat ng singit

sinamahan ko siyang magpa-photocopy, naglakad kami papuntang lb square, kumain sa hot plate, naglakad papuntang carabao park, naglakad papuntang raymundo, naglakad papuntang ilags, naglakad ulit papuntang raymundo, tumambay sa shed sa may up gate, naglakad ulit papuntang ilags-di namn talaga nakakapagod. parang inikot mo lang naman ng ilang beses ang luneta. pero ok lang talaga. sanay ako sa lakaran. sa laki ba naman ng mga hita ko, kaya kong lakarin mula laguna hanggang quezon city kapag tinawag ng pagkakataon.
gusto ko pa sanang maglibot ng mas malayo kasama siya kundi lang umepal yung pananakit ng singit ko.

hindi. hindi hadhad ang problema ko. parang sibuyas na tinalupan tapos kinayod ng pang-gadgad ng keso na pinatakan ng kalamansi at pinainitan ng lighter ang pakiramdam sa singit ko noong gabing iyon.
hindi. hindi mukhang sweet ham ang singit ko, mukhang smoked bacon. ah. hindi. biro lang. basta dinapuan yata ako ng mga fungus sa singit.

inisip ko nga kung sasabihin ko ba sa kanya o hindi, baka kasi masira yung moments namin. kumusta namn ang monthsary ng masakit ang singit?

kahit nasasaktan ako sa bawat hakbang ko noong gabing iyon, ayos lang, ang mahalaga, magkasama kami. inisip ko na lang penitensiya ko yun sa mga pagkakasala ko sa mundo. (naks)

malapit na kami sa dorm nila nang napansin niya ang paika-ika at sakang kong paglakad.
naisip kong magdahilan pero huling huli na ako.
ayoko namang mag-isip pa siya n g kung anu-ano kaya sinabi ko na sa kanya ang masakit sa akin.
tama bang tawanan ako.
wah. kundi ko lang siya gustong makasama, uuwi na ako at bubukaka magdamag para makapagpahinga.

pero dahil mahal ko siya, sige lang.

anu ba naman ang paglalakad at pagkakaroon ng friction sa singit kung maiibsan naman nito ang friction sa relasyon na dulot ng mga di nasasabing mga saloobin.

e ano ngayon kung magmukhang piniritong fiesta ham pa ang singit ko? maghihilom din naman yun. panandalian lang ang sakit ng singit.
********

*mga ka-blog, lahat ng naka-italicized ay mga lugar sa yupielbi